رنویر سنگھ فلم ’’سلطان‘‘ دیکھ کر جھوم اٹھے

رنویر سنگھ کے فلم ’’سلطان‘‘ کے گانوں پر رقص کرنے کی ویڈیو سوشل میڈیا پر تیزی سے وائرل ہورہی ہے۔ فوٹو: فائل

---

بالی ووڈ کے چلبلے اداکار رنویر سنگھ پیرس میں دبنگ سپر اسٹار سلمان خان کی فلم ''سلطان''دیکھ کر جھوم اٹھے اور فلم کے گانوں پر رقص کرتے رہے۔

بالی ووڈ اسٹار سلمان خان کی فلم ''سلطان'' نے دھوم مچا رکھی ہے اور باکس آفس پرکمائی کے تمام ریکارڈ اپنے نام کرلیے ہیں جب کہ فلم میں سلو میاں کی اداکاری کے بھی خوب چرچے ہورہے ہیں اور نامور اداکاروں کی جانب سے انہیں سراہنے کا سلسلہ جاری ہے تاہم گزشتہ روز فلم دیکھتے ہوئے انڈسٹری کے نوجوان اداکار بھی خود پر قابو نہ رکھ سکے اور گانوں پر رقص کرتے رہے۔

اس خبر کو بھی پڑھیں:رنویر سنگھ کا شاہ رخ کے ساتھ ڈب میش سوشل میڈیا پر مقبول

میڈیا رپورٹس کے مطابق اداکار رنویر سنگھ اپنی فلم کی شوٹنگ کے سلسلے میں پیرس میں موجود ہیں جہاں انہوں نے مقامی سنیما گھر میں فلم نگری کے سپر اسٹار سلمان خان کی فلم ''سلطان'' دیکھی اورنوجوان اداکار کو فلم اس قدر بھائی کہ اپنے مداحوں کے ساتھ ہی سنیما کے اسٹیج پرفلم کے گانوں پررقص کرتے رہے۔

دوسری جانب اداکار رنویر سنگھ کے فلم ''سلطان'' کے گانوں پر رقص کرنے کی ویڈیو سوشل میڈیا پر تیزی سے وائرل ہورہی ہے جسے مداحوں کی جانب سے بے حد پذیرائی مل رہی ہے۔

[VIDEO] Good quality: Ranveer Singh at the Publicis Cinemas in Paris. #RanveerWatchesSultan pic.twitter.com/eAYyKkqyhq

— Ranveer Planet (@RanveerPlanet) July 10, 2016

اس خبر کو بھی پڑھیں:فاروق عبداللہ کے رنویر کے ساتھ رقص کی وڈیو وائرل ہوگئی

واضح رہے کہ اداکار رنویر سنگھ فرانس کے شہر پیرس میں اپنے نئی آنے والی فلم''بے فکرے'' کی شوٹنگ میں مصروف ہیں۔