کرینہ کپوربہن کرشمہ کے ساتھ فلم میں کام کرنے کی خواہشمند

بڑی بہن کرشمہ کے ساتھ کسی بھی فلم میں کام کرنے کی خواہش ہمیشہ سے ہی رہی ہے، بالی ووڈ اداکارہ کرینہ کپور، فوٹو؛ فائل

---

باووڈ اداکارہ کرینہ کپور نے ماضی کی معروف اداکارہ اور اپنی بڑی بہن کرشمہ کپور کے ساتھ فلم میں کام کرنے کی خواہش کا اظہار کیا ہے۔

بالی ووڈ اداکارہ کرینہ کپور فلم نگری کے حکمران خانز شاہ رخ خان، عامر خان اور سلمان خان کے ساتھ فلموں میں کام کرچکی ہیں جس کے باعث انہیں منفرد مقام حاصل ہے جب کہ اداکارہ اپنے شوہر سیف علی خان کے ساتھ کسی بھی فلم میں ایک ساتھ کام کرنے سے انکار کرچکی ہیں لیکن اب انہوں نے اپنی بہن کے ساتھ فلم میں کام کرنے کی خواہش کا اظہار کیا ہے۔

اس خبر کو بھی پڑھیں:سیف کے ساتھ فلموں میں آنے کا شوق نہیں انہیں روزگھرمیں دیکھتی ہوں، کرینہ کپور

میڈیا رپورٹس کے مطابق کرینہ کپورکا کہنا تھا کہ اپنی بڑی بہن کرشمہ کے ساتھ کسی بھی فلم میں کام کرنے کی خواہش ہمیشہ سے ہی رہی ہے لیکن ہمیں کبھی بھی ایک ساتھ کام کرنے کا موقع نہیں ملا۔ انہوں نے کہا کہ کرشمہ کے بچے ابھی چھوٹے ہیں جس کی وجہ سے ان کا فلمی دنیا میں واپسی کا کوئی ارادہ نہیں تاہم کسی اچھے اسکرپٹ والی فلم میں کام کرنے کی پیش کش کی گئی تو دونوں بہنیں ایک ساتھ فلم میں کام کرنے کی فوراً حامی بھر لیں گی۔

اس خبر کو بھی پڑھیں:کرینہ برے وقتوں میں میرا بڑا سہارا ہوتی ہے، کرشمہ کپور

واضح رہے کہ اداکارہ کرشمہ کپور فلمی دنیا سے کنارہ کشی اختیار کررکھی ہے اور اپنے شوہر سے طلاق لے چکی ہیں۔