سپریم کورٹ نےآئی بی کے فنڈز کو سیاسی مقاصد کے لئےاستعمال کرنے کے متعلق ایکسپریس ٹریبیون کی خبر پر آئی بی کے 2 سابق اور موجودہ سربراہ سے جواب طلب کرلیا۔
چیف جسٹس کی سربراہی میں 3 رکنی بنچ نے کیس کی سماعت کی۔ ایکسپریس ٹریبیون کے رپورٹر اسد کھرل نے متعلقہ سیکرٹ دستاویزات سپریم کورٹ میں جمع کرادیے جن کو عدالت نے جائزہ لینے کے بعد دوبارہ سیل کردیا۔
چیف جسٹس نے اپنے ریمارکس دیتے ہوئے کہا کہ آئی بی سربراہان کا جواب دیکھنے کے بعد ان کو طلب کرنے یا نہ کرنے کا فیصلہ کیا جائےگا۔ عدالت نے 2 سابق اور موجودہ سربراہ کو نوٹس جاری کرتے ہوئے سماعت 2 ہفتوں کے لیے ملتوی کردی۔