بھارتی کرکٹر یو راج سنگھ ٹی وی شو کی میزبانی کریں گے

یوراج سنگھ نے کہا کہ مجھے اس شوکی میزبانی کے لئے چنا گیا جس کے لئے میں ٹی وی انتظامیہ کا بے حدشکرگزارہوں۔ فوٹو: اے ایف پی/ فائل

---

بھارتی کرکٹر یو راج سنگھ ایک ٹی وی شو "دی ان بریکیبلز" کی میزبانی کریں گے۔

یہ ٹی وی شو 24 دسمبر سے شروع ہو گا اور اس میں لوگوں کی عام زندگی میں جرات اور بہادری کی داستانوں کو دکھایا جائے گا۔ شو کی میزبانی کے لئے اسٹار کرکٹر یو راج سنگھ کا انتجاب اس لئے کیا گیا ہے کیونکہ انہوں نے کینسر جیسے موذی مرض کا نہایت ہمت سے مقابلہ کیا اور صحت یاب ہوکر واپس کھیل کی دنیا میں قدم رکھا۔

یوراج سنگھ نے کہا کہ مجھے اس شوکی میزبانی کے لئے چنا گیا جس کے لئے میں ٹی وی انتظامیہ کا بے حدشکرگزارہوں۔ انہوں نے کہا میرے دل میں ان لوگوں کا بے حد احترام ہے جو زندگی کی دوڑ میں مثبت رویہ اختیار کرتے ہوئے ہر مشکل وقت اور امتحان کا ہمت و جرات سے مقابلہ کرتے ہیں۔