ڈی آئی جی لاڑکانہ نے قمبر شہداد کوٹ میں پولیس کے مال خانے سے بھاری تعداد ميں اسلحہ چوری ہونے کا نوٹس لیتے ہوئے 2 اہلکاروں کو گرفتار کرکے مقدمہ درج کرلیا ہے۔
ڈی آئی جی لاڑکانہ عبدالخالق شیخ نے تحقیقات کا حکم دیا تو پتا چلا کہ چوری ميں 2 پولیس اہلکارملوث ہیں جن کو پکڑ لیا گیا۔ چوری ہونے والے اسلحے ميں ہزاروں گولیاں، راکٹ لانچرز کے گولے اور بلٹ پروف جیکٹس شامل ہیں۔
ڈی آئی جی کا کہنا ہے کہ چوری کےاسلحے کی فروخت کے امکان کو رد نہيں کیا جاسکتا، لاڑکانہ ڈویژن کے پانچوں اضلاع کے ایس ایس پیز کو مال خانوں کی تحقیقات کرکے ایک ہفتے میں رپورٹ دینےکا کہا گیا ہے۔
واضح رہے کہ گزشتہ رات قمبر شہداد کوٹ میں پولیس کے مال خانے سے بھاری تعداد میں اسلحہ چوری ہوگیا تھا۔