شاہ رخ خان ٹینس اسٹار ثانیہ مرزا کی زندگی پر فلم بنانے کے خواہشمند

ثانیہ کی زندگی پربننے والی فلم میں نوجوانوں کے لیے بہترین ترغیب ہوگی لہذا میری خواہش ہے کہ فلم میں پروڈیوس کروں، کنگ خان، بشکریہ ہندوستان ٹائمز

---

بالی ووڈ کنگ شاہ رخ خان نے بھارتی ٹینس اسٹار ثانیہ مرزا کی زندگی پر فلم بنانے کی خواہش کا اظہار کردیا ہے۔



معروف بھارتی ٹینس اسٹار اور پاکستانی کرکٹر شعیب ملک کی اہلیہ ثانیہ مرزا کی آپ بیتی ''ایس اگینسٹ اوڈس'' کی تقریب رونمائی بھارتی شہر حیدر آباد میں ہوئی جس میں بالی ووڈ کے کنگ شاہ رخ خان سمیت دیگر اہم شخصیات نے شرکت کی۔



تقریب رونمائی سے خطاب کرتے ہوئے شاہ رخ خان کا کہنا تھا کہ ثانیہ مرزا کی زندگی نوجوانوں کے لیے ایک بہترین نمونہ ہے اسی لیے جب بھی ثانیہ پر فلم بنائی جائے گی تو اس میں نوجوانوں کے لیے بہترین ترغیب ہوگی۔ انہوں نے کہا میری خواہش ہے کہ ثانیہ مرزا کی زندگی پرفلم میں پروڈیوس کروں۔ بالی ووڈ اداکار کا مذاقاً کہنا تھا کہ فلم میں ثانیہ کے پریمی کا کردار ادا کرنے کی بھی خواہش ہے جس کی اجازت ثانیہ ہی دیں گی لیکن فلم پروڈیوس ضرور کروں گا۔