بالی ووڈ اداکار کمل ہاسن سیڑھیوں سے گرکر زخمی

کمل ہاسن گھر کی سیڑھیوں پر توازن برقرار نہ رکھ سکے جس سے ان کی ٹانگ میں فریکچر ہوگیا۔ فوٹو؛ فائل

---

بالی ووڈ کے لیجنڈری اداکار کمل ہاسن گھر میں سیڑھیوں سے گر کر زخمی ہوگئے جس کے باعث ان کی ٹانگ میں فریکچر ہوگیا۔

بالی ووڈ اداکار کمل ہاسن گھر میں سیڑھیوں سے اترتے ہوئے اپنا توازن برقرار نہ رکھ سکے اور گر پڑے جس پر انہیں فوری طور پر اسپتال منتقل کیا گیا جہاں ڈاکٹروں نے ان کی ٹانگ میں فریکچر کی نشاندہی کی ہے۔ میڈیا رپورٹس کے مطابق کمل ہاسن کی ٹانگ کا آپریشن کیا گیا ہے جس کے باعث انہیں 3 روز تک اسپتال میں قیام کرنا پڑے گا جب کہ ڈاکٹرز کا کہنا ہےکہ کمل ہاسن کی حالت میں بہتری کے بعد انہیں فارغ کردیا جائے گا۔

اس خبر کو بھی پڑھیں:فلم کی شوٹنگ کے دوران زخمی سیف علی خان کی سرجری کردی گئی

میڈیا رپورٹس کے مطابق کمل ہاسن کو رواں ہفتے لندن انڈین فلم فیسٹول میں شرکت کے لیے بیرون ملک جانا تھا جہاں انہیں ''لائف ٹائم اچیومنٹ ایوارڈ'' دینے کی تقریب منعقد ہونی تھی لیکن زخمی ہونے کے باعث انہوں نے تقریب میں شرکت سے معذرت کرلی ہے۔

Thankyou for all your messages of concern and well wishes - my father is doing much better ! 🙏🏼🙏🏼

— shruti haasan (@shrutihaasan) July 14, 2016

اس خبر کو بھی پڑھیں:ہرتیک روشن فلم موہن جوڈارو کی شوٹنگ کے دوران زخمی ہو گئے

دوسری جانب کمل ہاسن کی بیٹی اداکارہ شروتی ہاسن نے سماجی رابطے کی ویب سائٹ ٹوئٹر پر اپنے والد کی صحتیابی اور نیک تمناؤں کا اظہار کرنے پر مداحوں کا شکریہ ادا کیا ہے۔