مارشل لاکی دعوت مووآن پاکستان کاچیئرمین بیرون ملک فرار

مقدمہ درج، محمدکامران گرفتاری کے خوف سے دبئی منتقل، آرگنائزرعلی ہا شمی انڈر گراؤنڈ

Iftikhar Chohadary/INP July 16, 2016

مقدمہ درج، محمدکامران گرفتاری کے خوف سے دبئی منتقل، آرگنائزرعلی ہا شمی انڈر گراؤنڈ اے ایف پی

ملک میں انتشار پھیلا نے کے بعد مووآن پا کستان کے چیئرمین کے گرفتاری کے خوف سے بیرون ملک فرارہو نے کا انکشاف ہوا ہے۔

موو آن پاکستان کا چیئرمین محمد کامران ملک بھرمیںآرمی چیف کومارشل لاکی دعوت دینے کے بعدآئین کے آرٹیکل 6کے تحت کارروائی کے ڈرسے ملک سے دبئی فرارہوگیا جبکہ موو آن پاکستان کامبینہ آرگنائزر علی ہا شمی زیرزمین چلاگیا۔

ذرائع نے بتایا کہ موو آن پا کستان کے دفاتر کو بھی تا لے لگ گئے۔ اسلام آباد سیکریٹریٹ تھانے میں موو آن پاکستان کے چیئرمین اور مبینہ آرگنائزر کے خلاف سرکار کی مدعیت میں تعزیرات پا کستان کی دفعات120/34 بی 124اے اور505ٹو کے تحت مقدمہ درج ہوچکاہے۔

سیاسی جماعت مووآن کے چیئرمین محمد کامران کی طرف سے آرمی چیف جنرل راحیل شریف کی تصویر والے پوسٹر جن پر''جانے کی باتیں جانے دو''لکھا گیا تھا شہربھرمیں آویزاں کرنے پرغداری کا مقدمہ درج کرنے کے لیے تھانہ کوتوالی میں درخواست دائر کردی گئی۔آدم چوک کے رہائشی عامرشہزاد نے درخواست میں موقف اختیار کیا کہ ایسے پوسٹر شہرمیں آویزاں کرکے فوج اورحکومت کو بدنام کرنے کی کوشش کی گئی ہے، یہ پوسٹر افواج پاکستان اور ملک کو کمزورکرنے کی کسی غیرملکی سازش کا حصہ ہے۔لہذا اس کو لگانے والے کے خلاف آرٹیکل 6 کے تحت مقدمہ درج کیا جائے۔تھانے کے ہیلپ ڈیسک کی طرف سے درخواست پرشکایت نمبرKT-7/14/2016-136 لگا دیا گیا ۔

اسلام آباد ہائیکورٹ نے فوجی قیادت کو اقتدار پر قبضے کیلیے اکسانے کے مقدمے میں نامزد تین ملزمان کی حفاظتی ضمانت منظورکرلی ہے۔جسٹس محسن اختر کیانی نے ملزمان محمدکامران،علی رضااور آصف اقبال کی راہداری ضمانتوںکی درخواستیں منظورکرتے ہوئے 20، 20 ہزار روپے کے ضمانتی مچلکے جمع کرانے کی ہدایت کے ساتھ درخواستیں نمٹا دیں ،عدالت نے ملزمان کو 22 جولائی کومتعلقہ فوجداری عدالت میں جاکر مقدمہ کا سامنا کرنے کا حکم دیا ہے ۔ موو آن پاکستان کے صدرمحمدکامران اور ساتھیوں پر بینرز آویزاں کرکے جمہوریت پر شب خون مارنے کیلیے اکسانے کے الزام میں تھانہ سیکریٹریٹ میں مقدمہ درج کیا گیا تھا۔

نمائندے کے مطابق اسلام آبادپولیس نے اس مقدمہ میں فوری طورپرتین مزدوروںکوگرفتارکرکے خانہ پُری کر ڈالی ۔ پولیس ذرائع نے ایکسپریس کوبتایاکہ تھانہ سیکریٹریٹ میں مقدمہ درج ہونے کے بعد ملزمان کی گرفتاری کا ٹاسک پولیس کے ایس آئی یوکو دیا گیا۔ اہلکاروں نے اسلام آبادمیں موجود مذکورہ جماعت کے تین مرکزی عہدیداروںکے بجائے ایک کار پینٹر اور دو مزدوروں کو گرفتار کر لیا۔

پولیس ذرائع کاکہناہے کہ تینوںملزمان نے ضمانت کرانے کے بعدجمعہ کوایس آئی یو میں اپنے تحریری بیانات ریکارڈ کرا دیے ہیں۔اسلام آباد پولیس کے حکام نے بائیس جولائی کوملزمان کی حفاظتی ضمانت خارج کرانے کیلیے تفتیشی افسران کوٹھوس شواہدکی بنیاد پر بھرپورتیاری کرنے کاحکم دیاہے۔