صدراوباما اور بان کی مون سمیت دیگر عالمی رہنماؤں کی ترکی میں تشدد سے گریز کی اپیل

عوام منتخب جمہوری حکومت کا ساتھ دیں، امریکی صدر براک اوباما، فوٹو؛ فائل

---

امریکی صدر براک اوباما اور اقوام متحدہ کے سیکریٹری جنرل بان کی مون سمیت دیگر عالمی رہنماؤں نے ترکی کی صورتحال پر تشویش کا اظہار کرتے ہوئے تشدد اور خونریزی سے گریز کی اپیل کی ہے۔

ترکی میں فوج کے باغی ٹولے کی جانب سے بغاوت کے بعد دنیا بھر سے عالمی رہنماؤں نے ترکی میں فوجی بغاوت کی شدید الفاظ میں مذمت کی ہے۔ امریکی صدر باراک اوباما نے اپنے بیان میں ترکی کی تمام سیاسی جماعتوں اور عوام پر زور دیتے ہوئے کہا کہ وہ منتخب جمہوری حکومت کاساتھ دیں تاہم تشدد اور خونریزی سے گریز کیا جائے۔

اس خبر کو بھی پڑھیں: ترکی میں فوج کے باغی گروپ کی اقتدار پر قبضے کی کوشش، پولیس ہیڈکوارٹر پر حملے میں 17 اہلکار ہلاک

امریکی وزیرخارجہ جان کیری نے اپنے ترک ہم منصب کو فون کیا جس میں ان کا کہنا تھا کہ ترکی میں منتخب جمہوری حکومت کی حمایت کرتے ہیں اور امید ہے کہ ترکی امن و استحکام برقرار رکھتے ہوئے موجودہ بحران پر قابو پالے گا۔ برطانوی وزارت خارجہ نے ترکی میں ہونے والے واقعات پر تشویش کا اظہار کیا جب کہ روسی وزیرخارجہ سرگئی لاروف کا کہنا تھا کہ ترکی میں خون خرابہ نہیں ہونا چاہیے۔

ایرانی وزیرخارجہ جاوید ظریف نے کہا کہ ترکی کی صورتحال تشویشناک ہے تاہم جمہوریت، ترکی کا امن اور ترک عوام کی حفاظت انتہائی اہم ہے۔

Deeply concerned about the crisis in Turkey. Stability, democracy & safety of Turkish people are paramount. Unity & prudence are imperative.

— Javad Zarif (@JZarif) July 15, 2016

سیکرٹری جنرل اقوام متحدہ بان کی مون نے بھی ترک عوام سے پُرامن رہنے کی اپیل کرتے ہوئے کہا کہ فوج کی جانب سے ملکی معاملات میں مداخلت کسی صورت قبول نہیں ہے۔

#UNSG Ban Ki-moon says military interference in affairs of any state is unacceptable: https://t.co/cX63yZkJBh

— UN Spokesperson (@UN_Spokesperson) July 16, 2016

یونان کے وزیراعظم نے بھی ترکی میں فوج کے باغی گروپ کی جانب سے بغاوت کے بعد اپنے ترک ہم منصب کو پیغام بھجوایا ہے جس میں جمہوری حکومت کی مکمل حمایت کا اظہار کیا گیا ہے

https://twitter.com/tsipras_eu/status/754105575403884545

نیٹو افواج کے سربراہ نے ترکی میں جمہوری حکومت کی حمایت کا اظہار کرتے ہوئے کہا کہ ترکی نیٹو کا اہم رکن ہے اور نیٹو ترکی کے جمہوری اداروں کی عزت کرتا ہے تاہم ترک عوام پر امن رہیں اور تشدد سے گریز کیا جائے۔

Just spoke to Turkish FM. I call for calm, restraint & full respect for Turkey's democratic institutions and constitution.

— Jens Stoltenberg (@jensstoltenberg) July 15, 2016

جرمن چانسلر انجیلا مارکل کی جانب سے جاری بیان میں کہا گیا ہے کہ ترکی میں جمہوریت اور جمہوری اداروں کا ہر صورت میں احترام کیا جانا چاہیے تاہم انسانی جانوں کا تحظ ہر صورت میں یقینی بنایا جائے۔