بھارتی کرکٹرز کی معیوب تصاویر میڈیا میں آنے پر بورڈ ناراض

کھلاڑی اپنے کسی بھی فعل سے بچوں کیلیے غلط مثال قائم کرنے سے باز رہیں، بی سی سی آئی۔ فوٹو: فائل

---

بھارتی کرکٹ بورڈ آفیشلز نے ویسٹ انڈیز کے دورے پر موجود کھلاڑیوں کی سماجی رابطے پر ہونے والی سرگرمیوں پر ناپسندیدگی کا اظہار کیا ہے، جہاں کرکٹرز نے مقامی ساحل پر بیئرز نوش کرتے ہوئے اپنی تصاویر پوسٹ کی ہیں۔

اگرچہ ویسٹ انڈیز اور آسٹریلیا میں یہ سب کچھ ان کی معاشرت کا حصہ ہے، بھارتی کرکٹرز کی ان سرگرمیوں کی بے تحاشا تصاویر مختلف سماجی رابطے کی ویب سائٹس پرموجود ہیں، تاہم بورڈ حکام نے اس کا نوٹس لیتے ہوئے ٹیم منیجر کو ہدایات ارسال کردی ہیں، جس میں انھیں باور کرایاگیا ہے کہ کھلاڑی اپنے کسی بھی فعل سے بچوں کیلیے غلط مثال قائم کرنے سے باز رہیں اور ایسی تصاویر سماجی رابطے کی ویب سائٹ پر شیئر نہ کریں۔