پنجاب کی انجینیرنگ یونیورسٹیوں میں داخلے کے لیے انٹری ٹیسٹ

انٹری ٹیسٹ کےلیے پنجاب میں 13 امتحانی مراکز قائم کئے گئے تھے فوٹو: فائل

---

MULTAN: پنجاب بھرکی سرکاری انجینیرنگ یونیورسٹیوں میں داخلے کے لیے انٹری ٹیسٹ میں صوبے بھرکے 41 ہزار امیدواروں نے شرکت کی ہے۔

ایکسپریس نیوزکے مطابق پنجاب کی یونیورسٹی آف انجینیرنگ اینڈ ٹیکنالوجی اوراس سے الحاق شدہ دیگر اداروں میں بی ایس انجینیرنگ اوربی ایس ٹیکنالوجی کے لئے سالانہ انٹری ٹیسٹ کا انعقاد کیا گیا ، جس کے لئے صوبے بھرمیں 13 امتحانی مراکز قائم کئے گئے۔

یونیورسٹی آف انجینیرنگ اینڈ ٹیکنالوجی اوراس سے الحاق شدہ دیگراداروں میں کل نشستوں کی تعداد 5 ہزار500 سے زائد ہے، جن کے لئے منعقدہ انٹری ٹیسٹ میں 41 ہزارسے زائد امیدواروں نے حصہ لیا۔ انٹری ٹیسٹ کے نتائج کا اعلان 24جولائی کو کیا جائے گا۔