عالیہ بھٹ کا پہلی بار سدھارت ملہوترا سے قریبی تعلق کا اعتراف

سدھارت ملہوترا اور عالیہ بھٹ نے فلم ’’اسٹوڈنٹ آف دی ایئر‘‘ سے فلمی سفر کا آغاز کیا ،فوٹو: فائل

---

بالی ووڈ میں اسکینڈل کوئین کے نام سے مشہور اداکارہ عالیہ بھٹ نے پہلی بار باقاعدہ طور پر سدھارت ملہوترا سے اپنے قریبی تعلق کا اعتراف کرلیا ہے۔

بالی ووڈ کے نوجوان اداکار سدھارت ملہوترا او عالیہ بھٹ کے درمیان طویل عرصے سے معاشقے کی خبریں زبان زد عام ہیں لیکن دونوں اداکاروں کی جانب سے ہمیشہ سے ہی ان خبروں کی تردید کی جاتی رہی ہے جس کے باوجود دونوں اداکاروں کی جوڑی کو متعدد مقامات پر ایک ساتھ دیکھا گیا تاہم اب اداکارہ عالیہ بھٹ نے سدھارت ملہوترا سے اپنے تعلق پر پہلی لب کشائی کی ہے۔

اس خبر کو بھی پڑھیں:سدھارتھ اچھادوست اور اس سے ذہنی ہم اہنگی ہے،عالیہ بھٹ

بالی ووڈ اداکارہ عالیہ بھٹ نے گزشتہ دنوں لندن جانے سے قبل اپنے قریبی دوستوں کے لیے پارٹی منعقد کی جس میں سدھارت ملہوترا کو بھی خصوصی طور پر مدعو کیا گیا اور پارٹی کے دوران اداکارہ نے اپنے قریبی دوستوں کو سدھارت سے ملاقات کراتے ہوئے اپنے قریبی تعلق کا اعتراف کیا جس کے بعد دونوں اداکاروں کی جوڑی نے ایک ساتھ لندن پرواز کی اور ساتھ ہی چھٹیاں مناتے نظر آئے جس کی کئی تصاویر بھی منظر عام پر آچکی ہیں۔

اس خبر کو بھی پڑھیں:سدھارت ملہوترا اور عالیہ بھٹ نے ایک دوسرے سے کنارہ کشی اختیار کرلی

واضح رہے کہ اداکار سدھارت ملہوترا اور عالیہ بھٹ نے فلم ''اسٹوڈنٹ آف دی ایئر'' سے فلمی سفر کا آغاز کیا تھا۔