سوئی سدرن گیس کمپنی نے سی این جی کی لوڈشیڈنگ ختم کرنے کا اعلان کردیا

سوئی سدرن گیس کمپنی نے آج صبح سے سی این جی کی لوڈشیڈنگ ختم کرنے کا اعلان کردیا ہے۔

ترجمان ایس ایس جی سی کے مطابق سندھ میں 48 گھنٹوں کے لیے سی این جی اسٹیشنز بند رکھنے کا حکم دیا گیا تھا لیکن پریشربہتر ہونے سے لوڈشیڈنگ جمعرات کی صبح 9 بجے ختم کردی جائے گی۔


قیمت کے معاملے پر تو پہلے ہی اسٹیشنز مالکان نے گیس فروخت کرنے سے انکارکردیا تھا تاہم اب اسٹیشنز مالکان کی ہڑتال کے بعد اب شیڈول کے مطابق اسٹیشن بند ہوگئےہیں۔

واضح رہے کہ سی این جی ایسوسی ایشن نے سپریم کورٹ کی جانب سے قیمت کم کرنے کے فیصلے کے خلاف ہڑتال کی اپیل کی تھی جس کے بعد ملک کے بیشتر شہروں میں سی این جی کی ہڑتال جاری ہے تاہم چند سی این جی اسٹیشنز پرگیس دستیاب ہیں لیکن شہریوں کو کئی گھنٹے کے طویل انتظار کے بعد سی این جی مل رہی ہے۔