کراچیمانسہرہ کالونی میں ٹیکسی پرفائرنگ 4افراد جاں بحق

چاروں افراد پر نائن ایم ایم پستول کے ذریعے فائرنگ کی گئی۔ فوٹو : فائل

---

 

مانسہرہ کالونی میں ٹیکسی پرنامعلوم افراد کی فائرنگ سے 4افرادجاں بحق ہوگئے۔

ایکسپریس نیوز کے نمائندے واثق محمد کے مطابق ٹیکسی ڈرائیور پیٹرول پمپ پرپیٹرول ڈلوارہا تھا کہ نامعلوم موٹرسائیکل سواروں نے فائرنگ کردی جس کے نتیجے میں 2 افرادموقع پرہی جاں بحق ہوگئے جب کہ 2 افراد نے اسپتال پہنچ کردم توڑ دیا، ذرائع کے مطابق جاں بحق ہونے والے 3افراد کا تعلق ایک سیاسی جماعت سے جب کہ چوتھا شخص ٹیکسی ڈرائیورتھا۔

جاں بحق افراد کو جناح اسپتال منتقل کردیا گیا ہے، چاروں افراد پر نائن ایم ایم پستول کے ذریعے فائرنگ کی گئی، اس موقع پر ایس پی کا کہنا ہے کہ ملزمان نے باقاعدہ منصوبہ بندی کے ساتھ حملہ کیا ہے، واقعے کی مزید تحقیقات کی جارہی ہیں۔