’’ایکسپریس‘‘ فیملی فیسٹیول کراچی کے لیے تحفہ ہوگا جواد احمد

معروف گلوکار و سماجی کارکن جواد احمد نے کہا ہے کہ ایکسپریس فیملی فیسٹیول' ایکسپریس میڈیا گروپ کی جانب سے کراچی کے عوام کے لیے بہترین تحفہ ہے۔


ایکسپریس سے خصوصی گفتگو کرتے ہوئے انھوں نے کہا کہ 23 جولائی 6 بجے شام ایکسپو سینٹر کراچی میں ایکسپریس فیملی فیسٹیول کا شدت سے انتظار ہے اور اس میں پرفارمنس کے لیے خصوصی تیاری کر رہا ہوں۔واضح رہے کہ ایکسپریس فیسٹیول میں جواد احمد کے علاوہ فاخر' شازیہ خشک' ارشد محمود' شہزاد رائے' فریحہ اکرم' روزمیری' انعم شیخ' علی حیدر' قدیر خان بھی پرفارم کریں گے۔

میوزک ڈائریکٹر محمد اشرف کی نگرانی میں کراچی کے ماہر میوزیشن بھی اس فیسٹیول میں پرفارم کرینگے۔ فیملیز کے ہر ممبر کو تفریح کے علاوہ انعامات اور تحائف جیتنے کے مواقع فراہم کیے جائیں گے۔ موسیقی' اداکاری اور ڈانس مقابلوں میں حصہ لینے کے خواہشمند اپنے نام' فون نمبر 0302-8634757 پر لکھوا سکتے ہیں۔