ہیلزاتفاقیہ کیچ پکڑنے پر ساتھی پلیئرزکے مذاق کا نشانہ بننے لگے

معین علی نے ٹویٹر پر کہا کہ’ مصباح بدقسمت رہے۔:فوٹو : اے ایف پی

---

ISLAMABAD: لارڈز ٹیسٹ کی دوسری اننگز میں پاکستانی کپتان مصباح الحق کے اتفاقیہ کیچ پر الیکس ہیلز اپنے ساتھی کھلاڑیوں کے مذاق کا نشانہ بننے لگے، پہلی اننگز کے سنچورین مصباح دوسری باری میں بغیرکھاتہ کھولے باؤنڈری کے قریب ہیلز کا کیچ بن گئے تھے۔

دلچسپ بات یہ ہے کہ اس وقت فیلڈر دیکھ دوسری سمت میں رہے تھے اور ہاتھ الگ سمت میں بڑھایا مگر اتفاق سے گیند ان کے پاس ہی آئی۔ معین علی نے ٹویٹر پر کہا کہ' مصباح بدقسمت رہے، ہیلز آپ کے دوسری سمت میں دیکھتے ہوئے کیچ تھامنے کی کاوش کافی اچھی رہی'۔

جوزبٹلر نے کہا کہ مجھے تو حیرت اس بات پر ہے کہ ہیلز گیند تک پہنچ کیسے گئے، اسٹورٹ براڈ نے کیچ کرتے وقت کی تصویر شیئر کرتے ہوئے کہا کہ یہ میرے بہترین فوٹوزمیں سے ایک ہے۔