کے ای ایس سی کے چیف ایگزیکٹیو تابش گوہرکو3 دسمبرتک گرفتارنہ کیاجائے سندھ ہائیکورٹ

سینیٹرزاہد خان کی سربراہی میں ہونے والے قائمہ کمیٹی برائے پانی وبجلی کے اجلاس میں تابش گوہر کے وارنٹ گرفتاری جاری ہوئے،فوٹو: ایکسپریس/ فائل

---

سندھ ہائی کورٹ نے پولیس کو کے ای ایس سی کے چیف ایگزیکٹیو تابش گوہرکو 3 دسمبر تک گرفتار کرنے سے روک دیا۔

تابش گوہر کی گرفتاری کا وارنٹ سینیٹ کی قائمہ کمیٹی برائے پانی و بجلی کے اجلاس میں ان کی غیر حاضری پر جاری کیا گیا تھا۔ اجلاس میں کراچی الیکٹرک سپلائی کمپنی اور واٹر اینڈ پاور ڈیویلوپمنٹ اتھارٹی کے درمیان اہم معاہدے پر بات چیت ہونا تھی مگر تابش گوہر اس اجلاس میں نہیں پہنچے جس پر ان کے خلاف وارنٹ گرفتاری جاری کیا گیا جس پر تابش گوہر نے عدالت سے رجوع کیا۔

واضح رہے کہ سینیٹرزاہد خان کی سربراہی میں قائمہ کمیٹی برائے پانی وبجلی کے 8نومبرکے اجلاس میں کے ای ایس سی کے سی ای اوتابش گوہر کے وارنٹ گرفتاری جاری کئے گئے تھے۔