رینجرز نے اختیارات میں توسیع نہ ملنے پر شہرقائد میں آپریشن روک دیا ہے۔

منگل اوربدھ کی درمیانی شب اختیارات ختم ہونے کے بعد رینجرز کی جانب سے کراچی آپریشن معطل کرتے ہوئے چھاپوں، گرفتاریوں اور شہر کے داخلی، خارجی راستوں پر چیکنگ کا عمل روک دیا گیا ہے۔ ذرائع کے مطابق اختیارات اور قیام کی مدت میں توسیع نہ ہونے کی صورت میں اگلے مرحلے میں اہم شخصیات اور تنصیبات پرسیکیورٹی کیلیے تعینات رینجرز اہلکاروں کو بھی واپس بلایا جاسکتا ہے۔ ذرائع کے مطابق نالوں کی صفائی میں سندھ حکومت کی مدد کو بھی اختیارات سے بالاتر قرار دے دیا گیا ہے۔