پاکستانی کامیڈین نسیم وکی معروف بھارتی شو ’’دی کپل شرما شو‘‘ کا حصہ بن گئے

کامیڈین نسیم وکی نے سماجی رابطے کی ویب سائٹ ٹوئٹر پر شو میں شامل ہونے کی تصدیق کردی ہے۔ فوٹو: بشکریہ ٹوئٹر اکاؤنٹ

---

معروف پاکستانی کامیڈین نسیم وکی بھارتی ٹی وی کے مشہور کامیڈی شو ''دی کپل شرما شو'' میں شامل ہوگئے۔



پاکستان کے فنکار بھارت کی شوبز انڈسٹری کے ہرشعبے میں قسمت آزمائی کررہے ہیں جس میں اداکاری ، گلوکاری اور کامیڈی شامل ہے جب کہ پاکستانی اداکاروں اور گلوکاروں کے بعد اب کامیڈین بھی بھارتی چھوٹی اسکرین پر پاکستان کا نام روشن کررہے ہیں۔



پاکستان کے معروف کامیڈین نسیم وکی نے بھارت کے مشہور کامیڈی شو''دی کپل شرما شو'' کو جوائن کرلیا ہے جس کے بعد وہ جلد ہی شو میں مسکراہٹیں بکھیرتے نظر آئیں گے جب کہ شو میں ان کے ساتھ ''بوا'' کے نام سے مشہور اداکارہ اپاسانا سنگھ کو بھی کاسٹ کرلیا گیا ہے جس میں دونوں اداکار میاں بیوی کا کردار نبھائیں گے۔

Next week hum dono #TheKapilSharmaShow sony per humri family ke sath :) pic.twitter.com/FECr03IYQo

— Naseem Vicky (@TheNaseemVicky) July 21, 2016

گزشتہ دنوں دونوں اداکاروں کی جوڑی نے شو کی شوٹنگ میں حصہ لیا جس کے بعد دونوں اداکاروں کی شو کے لیے ریہرسل کرتے ہوئی تصاویر بھی سوشل میڈیا پر وائرل ہوئیں ہیں جنہیں مداحوں کی جانب سے بے حد سراہا جارہا ہے۔ کامیڈین نسیم وکی نے سماجی رابطے کی ویب سائٹ ٹوئٹر پر شو میں شامل ہونے کی تصدیق کردی ہے۔