وزیراعظم نوازشریف جہاں سے گزرجائیں وہ جگہ جلسہ گاہ بن جاتی ہے مریم نواز

نواز شریف ابھی تک مکمل صحت یاب نہیں ہوئے لیکن جیسے ہی ان کی طبیعت سنبھلی وہ عوام میں آگئے، مریم نوازکا ٹوئٹ، فوٹو؛ فائل

---

CHAMAN: وزیراعظم کی صاحبزادی مریم نوازکا کہنا ہے کہ نوازشریف کی طبیعت جیسے ہی سنبھلی وہ عوام میں آگئے جب کہ وہ جہاں سے گزر جائیں وہ جگہ جلسہ گاہ بن جاتی ہے۔

آزاد کشمیر انتخابات میں اپنی جماعت کی کامیابی اور وزیراعظم نوازشریف کے آزاد کشمیر جلسے میں خطاب پر مریم نواز نے ایک بار پھر مخالفین کو آڑے ہاتھوں لیا۔ سماجی رابطے کی ویب سائٹ ٹوئٹر پر مریم نواز نے وزیراعظم کے الفاظ دہراتے ہوئے کہا کہ سیاست میں کامیابی دھرنے سے نہیں کچھ کرنے سے آتی ہے۔ انہوں نے کہا کہ وزیراعظم نواز شریف ابھی تک مکمل صحت یاب نہیں لیکن جیسے ہی ان کی طبیعت سنبھلی وہ عوام میں آگئے۔

اس خبر کو بھی پڑھیں: تیر چلا نہ بلا گھوما، آزاد کشمیر کا انتخابی معرکہ (ن) لیگ نے مار لیا

Peoples Prime Minister .... Back to where he belongs ... His people ..... As soon as he gains strength. Not fully recovered though.

— Maryam Nawaz Sharif (@MaryamNSharif) July 22, 2016

مریم نواز کا کہنا تھا کہ پیشگی اطلاع دیئے بغیر نواز شریف کا آزاد کشمیر جانا اوراس جلسے میں عوام کا جم غفیر اس بات کی غمازی کرتا ہے کہ نوازشریف جہاں سے گزر جائیں وہ جگہ جلسہ گاہ بن جاتی ہے، عوام کے وزیراعظم ایک بار پھرعوام میں آگئے ہیں۔

اس خبر کو بھی پڑھیں: سیاست میں کامیابی دھرنے سے نہیں کچھ کرنے سے ملتی ہے، وزیراعظم

Dekho Dekho kon aaya 🐅

Sher in AJK 😍

Rarely seen such charged crowd. No prior notice. Nawaz Sharif jahan se guzar jaaye, jalsa ho jata hai

— Maryam Nawaz Sharif (@MaryamNSharif) July 22, 2016

مریم نواز نے جلسے کے کامیاب انعقاد اور انتخابات میں کامیابی پر اظہار مسرت کرتے ہوئے اپنے ٹویٹ میں لکھا دیکھو دیکھو کون آیا آزاد کشمیر میں شیر آگیا۔