حمزہ شہباز نے پنجاب اسپورٹس بورڈ سے استعفی دے دیا

الیکشن کمیشن کی جانب سے نارووال اور گوجرانوالہ میں الیکشن مہم سے روکنے پر حمزہ شہباز شریف نے چیئرمین پنجاب اسپورٹس بورڈ کے عہدے سے استعفی دےدیا۔


الیکشن کمیشن نے حمزہ شہباز کو نارووال اور گوجرانوالہ میں الیکشن مہم میں حصہ لینے سے روک دیا تھا کیونکہ حمزہ شہباز شریف رکن قومی اسمبلی ہونے کے ساتھ پنجاب اسپورٹس بورڈ کا عہدہ بھی رکھتے تھے جس کے بعد حمزہ شہباز شریف نے گذشتہ روز چیئرمین پنجاب اسپورٹس بورڈ کے عہدے سے استعفی دے دیا جسے منظور کرلیا گیا ہے۔

حمزہ شہباز کی طرف سے الیکشن کمیشن کو اس حوالے سے آگاہ کردیا گیا ہے، ترجمان پنجاب حکومت کے مطابق گوجرانوالہ اور نارووال میں الیکشن مہم کے سلسلے میں دونوں جلسے شیڈول کے مطابق ہوں گے ۔