عامر کی نئی فلم تلاش ریلیز کردی گئی

فلم میں عامر خان کے ساتھ کرینہ کپور اور رانی مکھرجی اداکاری کررہی ہیں جبکہ اس فلم کی ڈائریکشن ریما کگتی نے دی ہیں ، فوٹو : پبلسٹی

---

عامر کی نئی فلم " تلاش " دنیا بھر کے سینماؤں میں نمائش کے لیے پیش کر دی گئی ۔

تین سال کے عرصے کے بعد بالی ووڈ کے مسٹر پرفیکشنسٹ کی تھرل اور سسپنس سے بھرپور فلم "تلاش " دنیا بھر میں ریلیز کردی گئی ہے، فلم میں عامر خان کے ساتھ ساتھ کرینہ کپور اور رانی مکھرجی اداکاری کررہی ہیں جبکہ فلم کی ہدایت کار ریما کگتی ہیں ۔

فلمی پنڈتوں کے مطابق عامر کی نئی فلم کا اسکرپٹ بھی جاندار ہے اور یہ فلم ایکشن اور تھرل سے بھی بھرپور ہے ، ناقدین کہتے ہیں کہ عامر خان نے انسپکٹر سرجان سنگھ کے کردار میں جان ڈالی ہے تو رانی مکھرجی طویل عرصے بعد کسی اچھے رول میں نظر آئی ہیں جبکہ چند سینز میں تو کرینہ کپور کی پرفارمنس نے عامر خان کو بھی پیچھے چھوڑ دیا ہے۔