متحدہ قومی موومنٹ اورپیپلزپارٹی کو لڑانے کی کوشش کی گئی صدرزرداری

ISLAMABAD:
صدرآصف زرداری نے کہا ہے کہ متحدہ قومی موومنٹ اورپیپلزپارٹی کو کئی بارلڑانے کی کوشش کی گئی۔


وزیراعلیٰ ہاؤس کراچی میں تقریب سے خطاب کرتے ہوئے صدرآصف زرداری نے کہا کہ مفاہمتی پالیسی کے بغیرمثبت نتائج حاصل نہیں کئے جاسکتے، انہوں نے کہا کہ مفاہمتی پالیسی کونہ صرف ملک بلکہ عالمی سطح پربھی سراہا گیا۔

صدرآصف زرداری نے کہا کہ کئی مواقع ایسے آئے جب متحدہ قومی موومنٹ اورپیپلزپارٹی کو لڑانے کی کوشش کی گئی تاہم دونوں جماعتوں نے مل کر ایسی کسی بھی کوشش کوناکام بنادیا۔ انہوں نے کہا کہ مفاہمت کی پالیسی مستقبل میں بھی جاری رہے گی۔