گندگی کے باعث کراچی دنیا کا چھٹا آلودہ شہر بن گیا ماہرین

صفائی کو موثر بنانے کے ساتھ ماحول دوست عوامل پر ہنگامی بنیاد پر توجہ دینی ہوگی

انعم مشکور July 26, 2016

لائنز ایریا پارکنگ پلازہ کے سامنے جلائے جانے والے کچرے سے دھواں بلند ہورہا ہے ۔ فوٹو : ایکسپریس

شہرمیں گندگی اور آلودگی کے بڑھتے مسائل کے سبب کراچی کو دنیا کا چھٹا آلودہ ترین شہر قرار دے دیا گیا ہے۔

ماہرین ماحولیات نے کراچی میں شجر کاری کی اہمیت پر زور دیتے ہوئے کہا ہے کہ کراچی جیسے 2 کروڑ سے زائد آبادی والے شہر کوماحولیاتی آلودگی سے بچانے کے لیے صفائی کے اقدامات کو موثر بنانے کے ساتھ ساتھ ماحول دوست عوامل پر ہنگامی بنیاد پر توجہ دینے کی ضرورت ہے حکومت اور بلدیاتی اداروں کوشجرکاری پر توجہ دینی ہوگی۔

ماہرین ماحولیات کے مطابق شہر میں قائم پارکوں کے ساتھ ساتھ گرین بیلٹوں کو بھی صفائی کی ضرورت ہے شہر میں جابجا نئے پودے لگا کر بھی شہر کی خوبصورتی میں اضافہ کیا جاسکتا ہے جبکہ آلودگی سے متاثرہ گنجان آباد علاقوں لیاقت آباد،ایمپریس مارکیٹ، سولجر بازار، کھارادر، برنس روڈ، کیماڑی،محمود آباد، کورنگی، شیریں جناح کالونی، شاہ فیصل کالونی، رنچھوڑلائن، ریلوے کالونی، پاکستان چوک، بولٹن مارکیٹ، اردو بازار کے علاقوں میں بھی شجرکاری کے ذریعے ماحول کو بہتر بنایا جاسکتا ہے۔