لاہور میں کارروائی کے دوران داعش کے 2 دہشت گرد گرفتار سی ٹی ڈی

دہشت گردوں نے شہر کے حساس مقامات پر حملے کی منصوبہ بندی کررکھی تھی اور انہیں خان کالونی سے گرفتار کیا گیا، ذرائع، فوٹو؛ فائل

---

کاؤنٹرٹیررازم ڈیپارٹمنٹ نے خان کالونی سے کالعدم تنظیم داعش کے 2 دہشت گردوں کو گرفتار کرنے کا دعویٰ کیا ہے۔

اس خبر کو بھی پڑھیں: لاہور میں کارروائی کے دوران داعش کے 3 دہشت گرد گرفتار، سی ٹی ڈی

ایکسپریس نیوز کے مطابق کاؤنٹر ٹیررازم ڈیپارٹمنٹ (سی ٹی ڈی) نے لاہور کے علاقے خان کالونی میں دہشت گردوں کی موجودگی کی خفیہ اطلاع پر کارروائی کرتے ہوئے 2 دہشت گردوں کو گرفتار کرلیا۔ سی ٹی ڈی ذرائع کےمطابق گرفتار دہشت گردوں میں عبداللہ اور یعقوب شامل ہیں جن کا تعلق کالعدم شدت پسند تنظیم داعش سے ہے۔

اس خبر کو بھی پڑھیں: لاہور کے علاقے مغلپورہ سے کالعدم تنظیم کا کارکن گرفتار، سی ٹی ڈی

سی ٹی ڈی ذرائع نے بتایا کہ دہشت گردوں نے لاہور کے حساس مقامات پر حملے کی منصوبہ بندی کررکھی تھی جب کہ ان کے قبضے سے بھاری مقدار میں دھماکا خیز مواد اور ڈیٹونیٹرز برآمد کیے گئے ہیں۔ سی ٹی ڈی کے مطابق دہشت گردوں کو تفتیش کے لیے نامعلوم مقام پر منتقل کردیا گیا ہے۔