بریٹ لی پہلی بالی ووڈ فلم کی اسکریننک پرکنگ خان کو مدعو کرنے کے خواہشمند

فلم "ان انڈین" 5 اگست کوسینیما گھروں کی زینت بننے جارہی ہے، فوٹو:فائل

---

سابق آسٹریلوی فاسٹ بالر بریٹ لی بولی ووڈ نگری میں اپنی پہلی فلم کی اسکریننگ کے دوران اداکار شا ہ رخ خان کو مدعو کرنا چاہتے ہیں۔

سابق آسٹریلوی فاسٹ بالربریٹ لی نے کرکٹ کے میدان کو خیرباد کہہ کر اپنی قسمت اداکاری میں بھی آزمانے کا فیصلہ کیا اوراب وہ آسٹریلوی نژاد ہدایت کارانوپم چوپڑا کی فلم "ان انڈین" میں ڈیبیو کریں گے جو کہ 5 اگست کو ریلیز ہونے جارہی ہے۔ بریٹ لی اپنی نئی پہلی فلم میں بالی ووڈ نگری کے کنگ شاہ رخ خان کو فلم کی اسکریننگ کے دوران مدعو کرنا چاہتے ہیں جب کہ وہ کنگ خان کے بڑے مداح بھی ہیں۔

دوسری جانب بریٹ لی اسکریننگ کے لیے نہ صرف کنگ خان کو بلکہ بھارتی وزیر اعظم نریندر مودی اور سابق بھارتی کھلاڑی سچن ٹنڈولکر کو بھی مدعو کرنے کے خواہش مند ہیں۔

فلم میں بریٹ لی کے علاوہ اداکارہ تنشتھا چترجی، گلشن گروور اور سپریا پاٹھک بھی شامل ہیں جب کہ فلم ایک رومانوی کہانی پرمبنی ہے۔