کروڑوں روپے کی ہیروئن اسمگل کرنے کی کوشش ناکام

کسٹمزانٹیلی جنس نے جمعہ کو ہی ہیروئن اسمگل کرنے والے ملزم ابراہیم کے خلاف کسٹمزایکٹ کے تحت مقدمہ درج کرلیاہے۔ فوٹو: ماحا حیدر۔

---

ڈائریکٹوریٹ جنرل آف انٹیلی جنس اینڈانویسٹی گیشن ایف بی آر کراچی کے شعبہ اینٹی اسمگلنگ آرگنائزیشن (اے ایس او) نے کامیاب کارروائی کرتے ہوئے کروڑوں روپے مالیت کی ہیروئن ضبط کرلی۔

تفصیلات کے مطابق کسٹمزانٹیلی جنس نے کراچی ایئرپورٹ کے ایکسپورٹ گیٹ پر سوزوکی پک اپ میں لائی جانے والی کروڑوں روپے مالیت کی 3کلو800گرام اعلیٰ معیارکی ہیروئن برآمد کرلی جسے جینزکی پینٹوں کی حامل ایک برآمدی کنسائمنٹ میں انتہائی مہارت کے ساتھ چھپاکراسمگل کیا جارہا تھا۔



ذرائع کے مطابق ڈائریکٹوریٹ جنرل آف انٹیلی جنس اینڈ انوسٹی گیشن ایف بی آرکراچی کی جانب سے کی جانے والی کارروائی میں ابراہیم نامی ملزم کو بھی گرفتارکیاگیاہے جس سے تفتیش کی جارہی ہے، ذرائع نے کا کہنا ہے کہ کسٹمزانٹیلی جنس نے جمعہ کو ہی ہیروئن اسمگل کرنے والے ملزم ابراہیم کے خلاف کسٹمزایکٹ کے تحت مقدمہ درج کرلیاہے۔