ٹریفک حادثات میں3 افراد ہلاک

بلدیہ ٹاؤن کے علاقے 4 نمبر میں تیز رفتار ٹرک کی ٹکر سے 45 سالہ مشتاق ہلاک اور دانش زخمی ہو گیا فوٹو: فائل

---

شہر میں ٹریفک حادثات کے دوران 3 افراد ہلاک جبکہ 2 زخمی ہوگئے۔

تفصیلات کے مطابق کورنگی کے علاقے مٹکے والی پلیا کے قریب تیز رفتار گاڑی کی ٹکر سے موٹر سائیکل سوار 28 سالہ ساجد ہلاک ہوگیا۔ پولیس کا کہنا ہے کہ متوفی کورنگی کے علاقے D ایریا کا رہائشی تھا جبکہ حادثے کا ذمے دار ڈرائیور موقع سے گاڑی سمیت فرار ہونے میں کامیاب ہوگیا۔

بلدیہ ٹاؤن کے علاقے 4 نمبر میں تیز رفتار ٹرک کی ٹکر سے 45 سالہ مشتاق ہلاک اور دانش زخمی ہو گیا، ٹرک ڈرائیور موقع سے فرار ہوگیا ، متوفی بہار کالونی لیاری کا رہائشی تھا۔ سرجانی ٹاؤن کے علاقے ناردرن بائی پاس کے قریب نامعلوم گاڑی کی ٹکر سے موٹر سائیکل پر سوار 35 سالہ شاہ نواز ہلاک جبکہ اس کا دوست ندیم زخمی ہوگیا ۔