منیشا کوئرالہ کو اسپتال سے ڈسچارج کر دیا گیا

بالی ووڈ کی اداکارہ منیشا کوئرالہ کو جمعے کی صبح اسپتال سے ڈسچارج کر دیا گیا۔


انھیں بدھ کو بے ہوشی کی حالت میں جسلوک اسپتال لایا گیا تھا۔ ذرائع کے مطابق منیشا نے درخواست کی ہے کہ اس کی صحت سے متعلق کوئی بھی بات نہ پھیلائی جائے۔

میڈیا کی اطلاعات کے مطابق انھیں اووری کا کینسر تشخیص ہوا ہے جو ابھی ابتدائی مرحلے میں ہے اور آپریشن سے ٹھیک ہو سکتا ہے۔اس سلسلے میں آئندہ چند روز میں انکا آپریشن متوقع ہے۔ گزشتہ کچھ عرصے سے منیشا سلور اسکرین سے دور تھیں ۔