سلسلہ وارقتل شہرکاامن سبوتاژ کرنیکی سازش ہےرابطہ کمیٹی

ڈاکٹر شاہد، انکی اہلیہ،نذر عباس اورانکی بیٹی کے قاتلوں کو فوراً گرفتارکرنیکا مطالبہ۔ فوٹو: فائل

---

لاہور: متحدہ قومی موومنٹ کی رابطہ کمیٹی نے نامعلوم افراد کی فائرنگ سے کراچی کے علاقے سچل میں ڈاکٹرشاہدحسن،انکی اہلیہ اورشہید ملت روڈ پرنذرعباس اورانکی صاحبزادی کے بہیمانہ قتل کی شدید مذمت کی ہے اور سیریل قتل کی ان سفاکانہ وارداتوں کو شہر میں فرقہ وارانہ ہم آہنگی کی فضا سبوتاژ کرنے کی گھنائونی سازش قرار دیا ہے ۔

ایک بیان میں رابطہ کمیٹی نے حکومت سے مطالبہ کیا کہ قتل کی تازہ وارداتوں کانوٹس لیاجائے اور اس میں ملوث دہشت گردوں کو فی الفور گرفتار کرکے قرار واقعی سزادی جائے ۔



رابطہ کمیٹی نے تمام سوگوار لواحقین سے دلی تعزیت وہمدردی کااظہار کرتے ہوئے انھیں صبر کی تلقین کی اور دعا کی کہ اللہ تعالیٰ مرحومین کو جنت الفردوس میں اعلیٰ مقام عطا فرمائے اور سوگواران کو صبرجمیل عطاکرے۔