سوناکشی ایک بار پھر ’’دبنگ‘‘ کے تیسرے سیکوئل کا حصہ بن گئیں

سوناکشی فلم کے تیسرے سیکوئل کا حصہ ہیں لیکن ان کے کردار کے حوالے سے کچھ نہیں کہا جاسکتا، فلمساز ارباز خان، فوٹو؛ فائل

---

بالی ووڈ کی دبنگ گرل سوناکشی سنہا ایک بار پھر 2010 میں ریلیز ہونے والی فلم ''دبنگ'' کے تیسرے سیکوئل میں جلوہ گر ہوں گی۔

سلمان خان اور دبنگ گرل کے درمیان ناراضی کے باعث انہیں فلم کی کاسٹ سے باہر کردیا گیا تھا لیکن اب ایک بار پھر انہیں فلم میں شامل کرلیا گیا جس کے بعد اب سوناکشی سنہا فلم ''دبنگ'' کے تیسرے سیکوئل میں جلوہ گر ہوں گی۔

اس خبر کو بھی پڑھیں:سلمان نے فلم ''دبنگ'' کے تیسرے سیکوئل سے سوناکشی کی چھٹی کرادی

بھارتی میڈیا رپورٹس کے مطابق پروڈیوسرارباز خان نے 2010 میں ریلیز ہونے والی شہرہ آفاق فلم ''دبنگ'' کے تیسرے سیکوئل میں سوناکشی سنہا کو کاسٹ کرنے کی تصدیق کرتے ہوئے بتایا کہ سوناکشی فلم کے تیسرے سیکوئل کا حصہ ہیں لیکن ان کے کردار کے حوالے سے کچھ نہیں کہا جاسکتا تاہم ممکن ہے کہ فلم میں ان کے ساتھ دوسری بھی ہیروئن جلوہ گر ہوں۔ انہوں نے کہا کہ فلم کا اسکرپٹ بھی تیار ہوگیا ہے اور جلد ہی فلم کی شوٹنگ کا آغاز کردیا جائے گا۔

اس خبر کو بھی پڑھیں:سوناکشی فلم میں پاکستانی خاتون صحافی کا کردار ادا کریں گی

واضح رہے کہ اداکار ہ سوناکشی سنہا نے فلم ''دبنگ'' سے ہی اپنے فلمی سفر کا آغاز کیا تھا۔