لاہورتھانہ ٹبی سٹی کے علاقے میں مبینہ پولیس مقابلہ2 ڈاکو ہلاک

کاشف عرف ہیرو نامی ملزم قتل ،اغوا برائے تاوان سمیت دیگر سنگین جرائم میں مطلوب تھا،پولیس .فوٹو: اے ایف پی

---

ISLAMABAD: تھانہ ٹبی سٹی کے علاقہ میں مبینہ پولیس مقابلہ میں دو ڈاکو ہلاک جبکہ ایک فرار ہونے میں کامیاب ہوگیا ۔

پولیس کے مطابق کاشف عرف ہیرو نامی ملزم پولیس کوقتل ،اغوا برائے تاوان سمیت دیگر سنگین جرائم میں مطلوب تھا، پولیس نے اشتہاری کی ٹبی سٹی میں موجودگی کی اطلاع پر چھاپہ مارا تو ملزمان نے پولیس پارٹی پر فائرنگ کردی ، جس پر پولیس کی جوابی فائرنگ میں اشتہاری ملزم کاشف ایک نامعلوم ساتھی سمیت مارا گیا جبکہ دوسراساتھی فرار ہونے میں کامیاب ہوگیا،

پولیس نے پوسٹ مارٹم کے لئے لاش مردہ خانہ منتقل کردی ہے، پولیس حکام کا کہنا ہےکاشف عرف ہیرو نے ٹبی سٹی میں بطور اجرتی قاتل فائرنگ کرکے 7 افراد کوزخمی کیا تھا جبکہ شاہدرہ میں 4 افراد کوقتل کیا تھا،ملزم اغوا برائے تاوان کی وارداتوں میں بھی پولیس کومطلوب تھا۔