نیت صاف ہو تو سیاست کی گند کو بھی صاف کیا جاسکتا ہے شہباز شریف

وزیر اعلیٰ پنجاب شہباز شریف نے کہا ہے کہ نیت صاف ہو تو کوڑا کرکٹ کی طرح سیاسی گند کو بھی صاف کیا جاسکتا ہے۔


لاہور میں پھولوں کی نمائش کاافتتاح کرنے کے بعد میڈیا سے بات چیت کرتے ہوئے شہبازشریف نے کہا کہ ہم نے صفائی کے جدید نظام اور ہارٹی کلچر کو فروغ دے کر شہر کو خوبصورت بنایا ہے، نیت صاف اور قبلہ درست ہو تو راستے کے ہر کانٹے کو ہٹایا جاسکتا ہے۔

شہباز شریف نے کہا کہ پھولوں کی نمائش سے لاہورشہر کے باسیوں کو خوبصورت ماحول فراہم ہوگا۔ ڈائریکٹر جنرل پی ایچ اے نے وزیر اعلیٰ کو پھولوں کی نمائش کے بارے میں بریفنگ بھی دی۔