سلمان خان کی متعدد کامیاب فلموں کے پروڈیوسررجت برجاتیا چل بسے

بالی انڈسٹری میں رجت برجاتیا ایک معروف شخصیت کے طورپرجانے جاتے تھے: فوٹو:فائل

---

FAISALABAD: میں نے پیار کیا، ہم آپ کے ہیں کون، ہم ساتھ ساتھ ہیں، ویواہ اور پریم رتن دھن پایو جیس فیملی فلمیں بنانے والے پروڈکشن ہاؤس راج شری فلمز کے مالک چل بسے۔

بھارتی میڈیا رپورٹس کے مطابق بالی ووڈ نگری کے مایہ نازہدایتکار، پروڈیوسراوررائٹرسورج برجاتیا کے بھائی رجت برجاتیا کینسرکے مرض میں مبتلا تھے اور گزشتہ کئی دنوں سے ممبئی کے جسلوک اسپتال میں داخل تھے لیکن زندگی کی بازی ہار گئے، راج شری پروڈکشن کی بنیاد رجت برجاتیا کے دادا "تراچند برتاجیا" نے رکھی تھی جب کہ رجت "راج شری" میڈیا کے سی ای او سمیت ایم ڈی بھی تھے۔

بالی ووڈ انڈسٹری میں رجت برجاتیا ایک معروف شخصیت کے طورپرجانے جاتے تھے جب کہ کھڑکی توڑبزنس کا ریکارڈ توڑنے والی سلمان خان اورسونم کپورکی فلم "پریم رتن دھان پایو" کی پروموشن میں رجت کا ہی ہاتھ تھا جس کے باعث فلم نے بزنس کے متعدد ریکارڈ توڑے ۔ رجت برجاتیا کے گزرجانے پربالی ووڈ نگری میں فنکاروں کی جانب سے سماجی رابطے کی ویب سائٹ ٹوئٹرپرافسوس کا اظہارکیا گیا۔

Rest in peace my brother Rajjat Barjatya pic.twitter.com/WwJFeHwII8

— Salman Khan (@BeingSalmanKhan) July 29, 2016

Deeply saddened to hear of the untimely passing of Rajjat Barjatya. May his soul rest in peace.

— Boman Irani (@bomanirani) July 29, 2016

Rajjat Barjataya - RIP - Noble, kind, warm & a true gentleman. Prayers & condolences to the family.

— Riteish Deshmukh (@Riteishd) July 29, 2016

#RIP @RajjatBarjatya a wonderful human being gone too soon!

— Vivek Anand Oberoi (@vivekoberoi) July 29, 2016

رجت برجاتیا کے بھائی سورج برجاتیا نے انڈسٹری کو بہترین فلمیں دیں جب کہ انہوں نے سب سے پہلی فلم 1989 میں "میں نے پیارکیا"،" ہم آپ کے ہیں کون" (1984) کی ہدایتکاری کی جب کہ "ہم ساتھ ساتھ ہیں" (1999)، "میں پریم کی دیوانی ہوں" (2003)، "ویواہ" (2006)، "ایک ویواہ ایسا بھی" (2008) اور آخری فلم "پریم رتن دھان پایو" (2015) کی کہانی انہوں نے خود لکھی اور تمام فلمیں بالی ووڈ نگری میں بلاک بسٹر ثابت ہوئیں اور بہترین بزنس دیا۔