سعودی فورسز اور حوثی باغیوں میں جھڑپ فوجی افسر سمیت 7 اہلکار ہلاک

باغی یمن کی سرحد سے منسلک نجران شہر سے سعودی عرب میں داخل ہونے کی کوشش کررہے تھے، سعودی حکام، فوٹو : فائل

---

یمن کی سرحد کے قریب سعودی فورسز اور حوثی باغیوں کے درمیان جھڑپ کے نتیجے میں فوجی افسر سمیت 7 اہلکار ہلاک ہوگئے۔

غیر ملکی خبر رساں ادارے کے مطابق سعودی عرب کے جنوبی شہر نجران میں یمن کی سرحد کے قریب باغیوں سے جھڑپ کے دوران فوجی افسر سمیت 7 فوجی اہلکار مارے گئے۔ سعودی حکام کا کہنا ہے کہ باغی یمن کی سرحد سے منسلک نجران شہر سے سعودی عرب میں داخل ہونے کی کوشش کررہے تھے جس پر گن شپ ہیلی کاپٹروں اور جنگی طیاروں سے باغیوں کو نشانہ بنایا گیا جس کے نتیجے میں متعدد باغی مارے گئے اور ان کی کئی گاڑیاں بھی تباہ ہوگئیں۔