محمد آصف ورلڈ اسنوکر چیمپیئن شپ کے فائنل میں پہنچ گئے

پاکستان کے محمد آصف نے مالٹا کے ایلکس بورگ کو ہراکر ورلڈ اسنوکر چیمپین شپ کے لئے کوالیفائی کرلیا۔

ایشیا کے ٹاپ کیوئسٹ محمد آصف نے سیمی فائنل میں اپنے حریف ایلکس بورگ کو 7-1 کے فریم سے بدترین شکست دے کر ایونٹ میں مسلسل 9 ویں فتح حاصل کی۔


اس سے قبل کوارٹر فائنل میں محمد آصف نے شام کے الکھوج کو 2-6 کے فریم سے ہرا کر سیمی فائنل میں جگہ بنائی تھی۔

واضح رہے کہ محمد آصف تیسرے پاکستانی ہیں جنہوں نے ورلڈ اسنوکر چیمپیئن شپ کے فائنل کے لئے کوالیفائی کیا ہے۔ اس سے قبل محمد یوسف نے 1994 میں اور صالح محمد نے 2003 میں ورلڈ اسنوکر کے فائنل میں پہنچنے کا اعزا ز حاصل کیا تھا۔