داعش کے شدت پسندوں کی نئی نسل تیارہورہی ہے یورپی رپورٹ

شام اورعراق میں بچے خودکش حملوں کا ایندھن اور سزائے موت پر عمل درآمد کا ذریعہ ہیں فوٹو : فائل

---

یورپی یونین کی قانون نافذ کرنے والی ایجنسی 'یوروپول' نے کہاہے کہ عراق اور شام میں داعش کے زیرکنٹرول علاقوں میں 31 ہزارحاملہ خواتین اور 50 برطانوی بچے موجودہیں۔

غیرملکی میڈیا کے مطابق عراق اورشام میںداعش کے شدت پسندعناصرکے زیر کنٹرول علاقے میںپروان چڑھتے بچوںکامعاملہ سنگین ہوتاجارہاہے اورشدت پسندی کے ماحول میںپرورش ان ننھے پھولوںکو مستقبل میں دنیاکے لیے خطرہ بنارہی ہے۔ یوروپول کی سالانہ رپورٹ میں مستقبل میں یورپی یونین کے ممالک کوشدت پسندی میں فروغ کے نتائج سے بھی خبردار کیا گیا ہے۔

رپورٹ میں شام اور عراق میں بڑی تعداد میں ڈچ بچوں کی موجودگی کا بھی انکشاف کیا گیا ہے، ان میں ایک تہائی بچوں کی پیدائش داعش کے زیرحکومت ہوئی، تنظیم کی نظرمیںبچوں کی کھیپ خودکش حملوںکے ایندھن اورسزائے موت پرعمل درآمد کرنے والوںکی حیثیت رکھتی ہے۔ یوروپول کی رپورٹ کو داعش کی جانب سے جاری بچوںکے عسکری کیمپوںکی وڈیوزکے ساتھ رکھاجائے تورپورٹ کے اعدادوشمار واضح طورپرتنظیم کی حکمت عملی کی عکاسی کرتے ہیں۔