بارشیں 20 فیصد زیادہ ہونے کی پیش گوئی غلط نکلی

مون سون بارشیں ستمبر کے وسط تک ہوںگی، این ڈی ایم اے نے ضروری سامان اسٹاک کر لیا فوٹو: فائل

---

JAMRUD: محکمہ موسمیات کی جانب سے رواں برس ملک بھرمیں مون سون کی بارشیں معمول سے20 فیصد زیادہ ہونے سے متعلق کی گئی پیش گوئی اب تک درست ثابت نہیں ہوسکی۔

پیش گوئی کے برعکس مون سون کے دوران اب تک ہونے والی بارشیں معمول سے17 فیصد کم ہیں تاہم محکمہ موسمیات اپنی پیش گوئی پرقائم ہے اوران کا کہنا ہے کہ مون سون بارشیں ستمبر کے وسط تک جاری رہیں گی اورآئندہ دنوں میں مزید بارشیں ہونے کا امکان ہے۔

دستاویز کے مطابق این ڈی ایم اے نے مون سون کے دوران کسی بھی ہنگامی صورت حال میں متاثرین کو فوری ریلیف اور امدادی اشیا کی فراہمی یقینی بنانے کیلیے مختلف شہروں میں قائم اسٹرٹیجک ہیومینٹیرین رسپانس فیسیلیٹیز سینٹر میں ضروری سامان اسٹاک کر دیا، اس کے علاوہ این ڈی ایم اے کے زیراہتمام مختلف علاقوں میں قائم ویئر ہاوسز میں بھی ضروری امدادی سامان موجود ہے۔