میٹرو بس کا کرایہ عام آدمی کی پہنچ میں رکھا جائے گا وزیراعلیٰ پنجاب
وزیراعلیٰ پنجاب نے کہا کہ افتتاح کےبعد چند روزتک میٹروبس فری چلائی جائے گی۔
وزیر اعلیٰ شہباز شریف نے منصوبے پرجلد کام مکمل کرنے اورتعمیراتی کام کے معیار پرخصوصی توجہ دینےکی ہدایت کی۔ فوٹو : فائل
وزیراعلیٰ پنجاب شہبازشریف نےکہا ہے کہ میٹروبس پراجیکٹ پردن رات کام جاری ہے اورعوام کی تکلیف جلد راحت میں بدل جائےگی۔
شہبازشریف نے میٹروبس پراجیکٹ کا دورہ کیا اورمختلف سیکشنز پرکام کی پیش رفت کاجائزہ لیا۔ انہوں نے منصوبے پرجلد کام مکمل کرنے اورتعمیراتی کام کے معیار پرخصوصی توجہ دینےکی ہدایت کی۔
وزیراعلیٰ نے کہا کہ میٹروبس کا کرایہ عام آدمی کی پہنچ کے اندررکھاجائےگا جبکہ افتتاح کےبعد چند روزتک میٹروبس فری چلائی جائے گی۔
وزیراعلیٰ شہباز شریف نے کلمہ چوک انڈرپاس پراجیکٹ پرکام کی رفتارکا بھی جائزہ لیا ہے۔ انہوں نے حکام کو ہدایت کی کہ تعمیراتی کام کےدوران ٹریفک رواں دواں رکھنے کیلئےانتظامات کئےجائیں۔