کراچی میں شہریوں کے تعاون سے امن قائم کروں گا وزیراعلیٰ سندھ

وزیراعلیٰ سندھ مراد علی شاہ کا کہنا ہے کہ عوام کے تعاون سے شہر میں امن و امان قائم کروں گا۔

ایکسپریس نیوز کے مطابق وزیراعلیٰ سندھ مراد علی شاہ نے بارش کے دوران شہر کے مختلف علاقوں کا دورہ کیا اور نکاسی آب کی صورت حال کا جائزہ لیا۔ اس موقع پر شہریوں نے وزیراعلیٰ سندھ کے سامنے شکایات کا انبار لگا دیا۔


اس خبر کو بھی پڑھیں: سندھ کی ترقی کے لئے میں نہیں میرا کام بولے گا

وزیراعلیٰ سندھ کا کہنا تھا کہ کراچی کو کچرے سے پاک کروں گا اور شہر میں دوبارہ امن قائم کروں گا لیکن میں اکیلا کچھ بھی نہیں کر سکتا اس کے لئے مجھے شہریوں کا تعاون درکار ہوگا، مجھے امید ہے کہ شہری کراچی کی رونقیں بحال کرنے میں میرا ساتھ دیں گے۔