افغانستان میں یرغمال افراد میں سے کسی کا تعلق آرمی چیف سے نہیں آئی ایس پی آر

افغانستان میں یرغمالیوں کی بحفاظت وطن واپسی کےلیے تمام تر اقدامات کیے جارہے ہیں، ترجمان پاک فوج، فوٹو:فائل

---

ترجمان پاک فوج عاصم باجوہ کا کہنا ہے کہ افغانستان میں یرغمال بنائے گئے افراد میں سے کسی کا بھی تعلق آرمی چیف سے نہیں ہے اور ایسی تمام افواہیں بے بنیاد ہیں۔

پاک فوج کے شعبہ تعلقات عامہ (آئی ایس پی آر) کا کہنا ہے کہ افغانستان میں یرغمال افراد سے متعلق تمام افواہیں بے بنیاد ہیں اور ہیلی کاپٹر حادثے میں یرغمال بنائے گئے پاکستانیوں میں سے کسی کا بھی تعلق آرمی چیف جنرل راحیل شریف سے نہیں ہے لہٰذا اس حوالے سے تمام افواہیں بے بنیاد ہیں۔

اس خبر کو بھی پڑھیں : پاکستانی ہیلی کاپٹر کے عملے کی بازیابی کیلیے مدد کی جائے، آرمی چیف کا امریکی جنرل کو فون

Rumours being spread about identity of various crew members of the Punjab Govt heli that crash landed in Lugar province,Afgn on Friday-1

— Gen(R) Asim Saleem Bajwa (@AsimBajwaISPR) August 6, 2016

ڈی جی آئی ایس پی آر لیفٹیننٹ جنرل عاصم باجوہ نے کہا کہ افغانستان میں یرغمال افراد کی زندگی بے حد قیمتی ہے اور یرغمالیوں کی بحفاظت واپسی کے لیے تمام تر اقدامات کیے جارہے ہیں۔

اس خبر کو بھی پڑھیں: آرمی چیف کی افغان صدرسےعملے کی بازیابی پرمدد کی درخواست

None of hostage related to #COAS.Rumours absolutely baseless.Hostages Lives very precious,all efforts being made 4 their safe,early return-2

— Gen(R) Asim Saleem Bajwa (@AsimBajwaISPR) August 6, 2016

واضح رہے کہ حکومت پنجاب کا ایم آئی 17 ہیلی کاپٹر معمول کی مرمت کے لیے افغانستان کے راستے ازبکستان جا رہا تھا کہ راستے میں صوبہ لوگر کے ضلع عذرا میں کریش لیڈنگ کی جس سے ہیلی کاپٹر تباہ ہوگیا اور تمام افراد کو طالبان نے یرغمال بنا لیا۔