خود ساختہ زمینی خداؤں کو للکارنے کے لیے بیتاب ہوں عمران خان
رائیونڈ کے مکین فرعونوں کو قانون کے تابع کریں گے اور لوٹ کھسوٹ کا حساب لیں گے، عمران خان
رائیونڈ کے مکین فرعونوں کو قانون کے تابع کریں گے اور لوٹ کھسوٹ کا حساب لیں گے، عمران خان فوٹو: فائل
تحریک انصاف کے سربراہ عمران خان کا کہنا ہے کہ تاریخی کنٹینر پر پہنچنے اور خود ساختہ زمینی خداؤں کو للکارنے کے لیے بیتاب ہوں۔
چیرمین تحریک انصاف عمران خان پشاور پہنچے جہاں وہ آج سے شروع ہونے والی احتساب ریلی کے لیے تیار کیا گیا کنٹینر کا معائنہ کریں گے جب کہ اس موقع پر میڈیا سے بات کرتے ہوئے ان کا کہنا تھا کہ ملک میں سب سے بڑی بیماری کرپشن ہے اور ملک میں ایک قانون عوام کے لیے اورایک حکمرانوں کے لیے ہے لیکن چھوٹے چھوٹے چوروں کو پکڑنے سے کرپشن ختم نہیں ہوگی۔ انہوں نے کہا کہ ہمارا مغل اعظم نوازشریف جواب نہیں دے رہا بلکہ کہتا ہے کہ باقی سب چور ہیں، جب تک حکمران جواب دہ نہیں ہوں گے کرپشن ختم نہیں ہوگی جب کہ عوام کا پیسا چرایا گیا اس لیے عوام کو اب نکلنا ہوگا اور ہماری تحریک حکمرانوں کو نیچے لائے گی۔
اس سے قبل تحریک احتساب کی قیادت کے لیے پشاور روانگی سے قبل میڈیا سے بات کرتے ہوئے عمران خان نے کہا کہ پشاورسے لاکھوں ہم وطنوں کے ساتھ غریب دشمن ظالمانہ استحصالی نظام کو للکارنے سمیت جمہوری آمریت اور ڈاکہ زن سیاست کو آخری دھکا دینے نکلوں گا کیونکہ 7 اگست کا دن پاکستان کی تاریخ میں تبدیلی اور انقلاب کا امین بنے گا۔
عمران خان نے کہا کہ تاریخی کنٹینر پر پہنچنے اور خود ساختہ زمینی خداؤں کو للکارنے کے لیے بیتاب ہوں کیونکہ کنٹینر پاکستان میں عظیم انقلاب کی علامت ہے جب کہ رائیونڈ کے مکین فرعونوں کو قانون کے تابع کریں گے اور لوٹ کھسوٹ کا حساب لیں گے۔
چیرمین تحریک انصاف عمران خان پشاور پہنچے جہاں وہ آج سے شروع ہونے والی احتساب ریلی کے لیے تیار کیا گیا کنٹینر کا معائنہ کریں گے جب کہ اس موقع پر میڈیا سے بات کرتے ہوئے ان کا کہنا تھا کہ ملک میں سب سے بڑی بیماری کرپشن ہے اور ملک میں ایک قانون عوام کے لیے اورایک حکمرانوں کے لیے ہے لیکن چھوٹے چھوٹے چوروں کو پکڑنے سے کرپشن ختم نہیں ہوگی۔ انہوں نے کہا کہ ہمارا مغل اعظم نوازشریف جواب نہیں دے رہا بلکہ کہتا ہے کہ باقی سب چور ہیں، جب تک حکمران جواب دہ نہیں ہوں گے کرپشن ختم نہیں ہوگی جب کہ عوام کا پیسا چرایا گیا اس لیے عوام کو اب نکلنا ہوگا اور ہماری تحریک حکمرانوں کو نیچے لائے گی۔
اس سے قبل تحریک احتساب کی قیادت کے لیے پشاور روانگی سے قبل میڈیا سے بات کرتے ہوئے عمران خان نے کہا کہ پشاورسے لاکھوں ہم وطنوں کے ساتھ غریب دشمن ظالمانہ استحصالی نظام کو للکارنے سمیت جمہوری آمریت اور ڈاکہ زن سیاست کو آخری دھکا دینے نکلوں گا کیونکہ 7 اگست کا دن پاکستان کی تاریخ میں تبدیلی اور انقلاب کا امین بنے گا۔
عمران خان نے کہا کہ تاریخی کنٹینر پر پہنچنے اور خود ساختہ زمینی خداؤں کو للکارنے کے لیے بیتاب ہوں کیونکہ کنٹینر پاکستان میں عظیم انقلاب کی علامت ہے جب کہ رائیونڈ کے مکین فرعونوں کو قانون کے تابع کریں گے اور لوٹ کھسوٹ کا حساب لیں گے۔