وزیر اعظم اوروزیراعلیٰ پنجاب خاندان کے ہمراہ مری پہنچ گئے

اہم حکومتی اور سیاسی شخصیات کی مری آمدکے باعث مختلف سڑکوں پر ٹریفک شدید متاثر ہوکر رہ گئی ہے۔ :فوٹو: فائل

---

SYDNEY: وزیراعظم نواز شریف ویک اینڈ پر اپنی والدہ اور فیملی کے ہمراہ مری پہنچ گئے جبکہ وزیر اعلیٰ پنجاب شہباز شریف بھی اپنی فیملی کے ہمراہ ڈونگا گلی پہنچ گئے ہیں اور ملکہ کوہسار مری اور گلیات کے موسم سے لطف اندوز ہو رہے ہیں۔

وزیراعظم نواز شریف بذریعہ ہیلی کاپٹر اسلام آباد سے مری میں گھڑیال ہیلی پیڈ پہنچے جہاں اسکواڈ تاخیر سے پہنچنے پر وزیراعظم پرائیویٹ گاڑی کے ذریعے کشمیر پوائنٹ باغ شہیداں پہنچے اور ان کا اسکواڈ بعد میں وہاں پہنچا، حمزہ شہباز بھی گزشتہ چند روز سے ڈونگا گلی میں قیام پذیر ہیں جبکہ صدر ممنون حسین کی فیملی بھی 2 روز سے بھوربن میں گورنر انیکسی میںقیام پذیر ہے، اہم حکومتی اور سیاسی شخصیات کی مری آمدکے باعث مختلف سڑکوں پر ٹریفک شدید متاثر ہوکر رہ گئی ہے۔