کوئٹہ دھماکے کی گونج دنیا بھر میں سنی گئی اور ٹوئٹر پر کوئٹہ ٹاپ ٹرینڈ بن گیا

صارفین ہیش ٹیگ "کوئٹہ" میں سانحہ کی تصاویر کے ساتھ مختلف پیغامات اور اپنے جذبات کا اظہار کررہے ہیں۔

ویب ڈیسک August 08, 2016

صارفین ہیش ٹیگ "کوئٹہ" میں سانحہ کی تصاویر کے ساتھ مختلف پیغامات اور اپنے جذبات کا اظہار کررہے ہیں۔ فوٹو: فائل

کوئٹہ دھماکے کی گونج پاکستان سمیت دنیا بھر میں سنی گئی اور ٹوئٹر پر پاکستان میں "کوئٹہ" کے نام سے ہیش ٹیگ ٹاپ ٹرینڈ رہا جب کہ دنیا بھر میں کئی گھنٹے تک یہ ہیش ٹیگ تیسرے نمبر پر رہا۔

سماجی رابطے کی ویب سائٹ ٹوئٹر پر کوئٹہ دھماکے کے بعد صارفین متاثرہ افراد سے اظہار ہمدری اور کوئٹہ کے شہریوں سے اظہار یکجہتی کر رہے ہیں۔ صارفین ہیش ٹیگ "کوئٹہ" میں سانحہ کی تصاویر کے ساتھ مختلف پیغامات اور اپنے جذبات کا اظہار کررہے ہیں۔

ماہم لکھتی ہیں کہ دہشت گرد مساجد، چرچوں، اسکولوں اور اسپتالوں پر حملے کر کے یہ ظاہر کرنا چاہتے ہیں کہ ان کے نزدیک کوئی چیز مقدس نہیں یہاں تک کہ انسان کی زندگی بھی نہیں۔

Terrorists continue to show nothing is sacred for them...mosques, churches, schools, hospitals and least of all human lives. #Quetta
— M. (@iMahyy_) August 8, 2016

مچل کوگلمین اپنی ٹوئٹ میں لکھتے ہیں کہ کوئٹہ دھماکا پاکستان میں دہشت گردی کی نئی لہر کی نشاندہی کرتا ہے۔

Today's terrible #Quetta tragedy reflects the new era of militancy in #Pakistan: less anti-state and more anti-society in nature.
— Michael Kugelman (@MichaelKugelman) August 8, 2016

مالک اچکزئی نے اپنی ٹوئٹ کے ساتھ ایک تصویر اپ لوڈ کی ہے جس میں لوگوں کی ایک لمبی قطار کو دیکھا جاسکتا ہے جس پر وہ لکھتے ہیں کہ کوئٹہ کے شہری سانحہ کوئٹہ میں زخمی ہونے والوں کو خون کا عطیہ دینے کے لئے ایک قطار میں کھڑے ہیں۔

People of #Quetta in row to provide blood donations to the victims pic.twitter.com/Cjppw4N5YU
— Malik Achakzai (@MalikAchkJourno) August 8, 2016

حیدر سمیری لکھتے ہیں کہ میری دعائیں کوئٹہ کے عوام کے ساتھ ہیں اور دہشت گردی کبھی غالب نہیں آئے گی۔

My thoughts and prayers are with the people of #Quetta today. Terror shall not prevail. pic.twitter.com/lq0RRLD0UP
— H. Sumeri (@IraqiSecurity) August 8, 2016

ٹوئٹر پر فرضی نام سے موجود صارف لکھتے ہیں کہ گولیوں اور دھماکا خیز مواد کے مقابلے میں خون زیادہ سستا ہوگیا ہے، کوئٹہ دھماکے میں شہید ہونے والوں کی اللہ تعالی مغفرت فرمائے۔

https://twitter.com/Lazyaholic/status/762607695115550725

سمیرہ جمیل لکھتی ہیں کہ کوئٹہ میں انسانیت سوز حملے کی شدید مذمت کرتی ہوں، اللہ تعالی شہید ہونے والوں کو جنت کے اعلی درجے میں مقام نصیب فرما۔

https://twitter.com/imsumerapti/status/762593904332070912

رمضان شیخ لکھتے ہیں کہ ریاست عام فرد کو سیکیورٹی فراہم کرنے میں ناکام ہوگئی، وہ لوگ جو اقتدار میں ہیں وہ اپنی ذاتی سیکیورٹی اور بینک اکاؤنٹس بہتر کرنے میں مصروف ہیں۔

The state has failed to provide security to the common man. Only personal security and bank accounts of those in power improve... #Quetta
— M Ramzan Sheikh (@ramzansheikh67) August 8, 2016

ہامنہ لکھتی ہیں کہ اس جشن آزادی کے موقع پر ہم کیا منائیں گے، پنجاب میں بڑی تعداد میں بچے اغوا ہورہے ہیں اور اب کوئٹہ میں دل دہلادینے والا دھماکا ہوگیا ہے۔

Wht we'll celebrate this 14th August f0r?
Big numbers 0f Children Missing in #Punjab Nd n0w this devAstating #Quetta blast... :(
— Usman Baig (@iamusmanbaig07) August 8, 2016

پاکستان اور دنیا بھر میں " کوئٹہ" کا ہیش ٹیگ ٹاپ ٹرینڈ رہا۔ اس کا ایک عکس: