اچکزئی ’’را‘‘ کا ایجنٹ نوازشریف کا خاص آدمی ہے شیخ رشید

موجودہ حکومت نااہل اور کرپٹ ہے، شیخ رشید

INP August 10, 2016

موجودہ حکومت نااہل اور کرپٹ ہے، شیخ رشید :فوٹو : فائل

پاکستان عوامی مسلم لیگ کے سربراہ شیخ رشید احمد نے کہاہے کہ محموداچکزئی ''را'' کا ایجنٹ ہے اور نوازشریف کاخاص آدمی ہے، حکومت نااہل اورکرپٹ ہے،غیرملکی ایجنٹوں پرآہنی ہاتھ ڈالا جائے۔

انھوں نے کوئٹہ میں سول اسپتال کادورہ کیا اورزخمیوں کی عیادت کی، اسپتال کے باہرمیڈیا سے گفتگوکرتے ہوئے انھوں نے کہاکہ موجودہ حکومت نااہل اور کرپٹ ہے،غیر ملکی ایجنٹوں پر آہنی ہاتھ ڈالا جائے۔ شیخ رشید نے کہاکہ محموداچکزئی نے وزیراعظم سے مفادت حاصل کیے ،محمودخان اچکزئی کے بیان کی مذمت کرتاہوں اورپوری قوم دہشت گردی کی مذمت کرتی ہے۔

ان کا کہنا تھا کہ پاکستان کی ایجنسیاں محدودوسائل میں بہترین کام کررہی ہیں۔ ان کوسلام پیش کرتاہوں،جہاں جہاں ''را'' موساد اور خادسمیت دیگرغیر ملکی ایجنسیوں کے ایجنٹ موجود ہیں ان سے آہنی ہاتھوں سے نمٹاجائے،انھوں نے کہاکہ دہشت گردبلوچستان کاامن تباہ کرناچاہتے ہیں۔