پیرو میں 2 مسافر بسوں میں تصادم سے 17 افراد ہلاک 29 زخمی

حادثہ تیز رفتاری کے باعث پیش آیا تاہم اس حوالے سے مزید تحقیقات کی جارہی ہیں، پولیس، فوٹو؛ فائل

---

پیرو میں 2 مسافر بسوں میں تصادم کے نتیجے میں 17 افراد ہلاک اور 29 زخمی ہوگئے۔

غیر ملکی خبر رساں ادارے کے مطابق جنوبی امریکی ملک پیرو میں مسافروں سے بھری بس مخالف سمت سے آنے والی بس سے ٹکراگئی جس کے نتیجے میں 17 افراد ہلاک اور 29 زخمی ہوگئے جنہیں اسپتال منتقل کردیا گیا۔ پولیس کے مطابق حادثہ تیز رفتاری کے باعث پیش آیا تاہم اس حوالے سے مزید تحقیقات کی جارہی ہیں جب کہ مرنے والوں میں دونوں بسوں کے ڈرائیورز سمیت ایک برازیلین سیاح بھی شامل ہے۔