پشاور وزیرکھیل کاورلڈ اسنوکرچیمپئن محمد آصف کیلئے 10 لاکھ روپے انعام کا اعلان

ورلڈ اسنوکر چیمپئن محمد آصف کی کامیابی کی خوشی میں قیوم اسپورٹس کمپلیکس پشاور میں اسنوکر ایسوسی ایشن نے جشن منایا ، فوٹو : فائل

---

ورلڈ اسنوکر چیمپئن محمد آصف کے لئے خیبرپختونخوا کے وزیر کھیل نے دس لاکھ روپے انعام اور اسنوکر اکیڈمی ان کے نام سے منسوب کرنے کا اعلان کیا ہے۔

قیوم اسپورٹس کمپلیکس پشاور میں اسنوکر ایسوسی ایشن کی جانب سے ورلڈ اسنوکر چیمپئن محمد آصف کی کامیابی کی خوشی میں جشن منایا گیا جس میں کھلاڑیوں نے ڈھول کی تھاپ پر بھنگڑے ڈالے اور مٹھائی تقسیم کی گئی، اس موقع پر صوبائی وزیرکھیل نے کہا کہ محمد آصف کے اعزاز میں تقریب کا انعقاد کیا جائے گا۔ انہوں نے محمد آصف کے لئے 10 لاکھ روپے انعام کااعلان بھی کیا۔

صوبائی وزیرکھیل نے قیوم اسپورٹس کمپلیکس میں قائم اسنوکر اکیڈمی کا نام محمد آصف کے نام سے منسوب کرنےکا بھی اعلان کیا۔