آئندہ انتخابات میں کامیاب ہوئے تو دوسال میں ملک کے حالات بدل دیں گےشہبازشریف

وفاقی حکومت نے کرپشن کی انتہا کردی ہے، جس کا بدلہ عوام الیکشن میں پرچی کے ذریعے لیں گے، شہباز شریف ، فوٹو : فائل

---

NEW YORK: وزیراعلیٰ پنجاب شہباز شریف نے کہا ہے کہ اگرعوام نے مسلم لیگ(ن) کوآئندہ عام انتخات میں کامیاب کرایات و 2سال میں ملک کے حالات بدل دیں گے۔

وزیراعلیٰ پنجاب شہباز شریف نے پاکپتن میں ہائیڈرو پاور پراجیکٹ کا سنگ بنیاد رکھنے کی تقریب سے خطاب کرتے ہوئے کہا کہ مسلم لیگ (ن)آئندہ عام انتخابات میں کامیاب ہوکر دوسال میں ملک کے حالات بدل دے گی ، انہوں نے کہا کہ وفاقی حکومت نے کرپشن کی انتہا کردی ہے، جس کا بدلہ عوام الیکشن میں پرچی کے ذریعے لیں گے۔انہوں نے کہا کہ پیپلزپارٹی کےحکمرانوں نے کھاد میں اربوں روپےکی کرپشن کرکے لوٹ مار کا بازار گرم رکھا ہے۔

وزیراعلیٰ پنجاب شہبازشریف اس موقع پر اعلان کیا کہ اجالااسکیم کے تحت طلبہ میں سولرانرجی لیمپ تقسیم کئےجائیں گے۔