لاہور میں نامعلوم افراد کی فائرنگ غیرملکی خاتون سمیت 2 افراد زخمی

زخمی ہونے والی سویڈن کی برگیتا گزشتہ 26 سال سے پاکستان میں فلاحی ادارے میں نرسنگ کی تربیت دے رہی ہیں۔ فوٹو : فائل

---

NEW DELHI: شہر کے مختلف علاقوں میں نامعلوم افراد نے فائرنگ کرکے غیرملکی خاتون سمیت 2 افرادکوزخمی کردیا۔

ماڈل ٹاؤن میں نامعلوم افراد نے 55 سال کی غیر ملکی خاتون برگیتا کو فائرنگ کرکے شدید زخمی کردیا۔ خاتون کو شدید زخمی حالت میں اسپتال منتقل کردیا گیا جہاں انہیں طبی امداد فراہم کی جارہی ہے۔ اسپتال کے عملے کا کہنا ہے کہ گولی برگیتا کی گردن میں لگی ہے جس کے باعث ان کی حالت انتہائی تشویشناک ہے۔

برگیتا سویڈن کی شہری ہیں اور گزشتہ 26 سال سے پاکستان میں فلاحی ادارے میں نرسنگ کی تربیت دے رہی ہیں۔

گلبرگ میں گھر کے باہر کھڑے ثاقب نامی نوجوان کو نامعلوم افراد نے فائرنگ کرکے زخمی کردیا، پولیس کے مطابق فائرنگ کا واقعہ ذاتی رنجش کا نتیجہ ہے۔