پاکستانی کھلاڑی شاہ حسین شاہ اولمپکس کے جوڈو ایونٹ میں دوسرے ہی راؤنڈ میں ہمت ہار گئے، 100 کلوگرام مقابلے میں انھیں یوکرینی حریف آرتم بلوشنکو نے ہزیمت سے دوچار کیا۔

ابتدائی مرحلے میں انھیں مخالف کھلاڑی کی عدم شرکت کے باعث بائی ملی تھی، 22سالہ جوڈوکا براعظمی کوٹے پر اولمپک گیمز میں پاکستان کی نمائندگی کررہے تھے، ان کے والد باکسر حسین شاہ نے 1988میں سیؤل اولمپکس میں کانسی کا تمغہ اپنے نام کیا تھا، وہ اولمپکس مقابلوں میں انفرادی کھیلوں میں تمغہ جیتنے والے آخری پاکستانی کھلاڑی بھی ہیں۔